Na, denn väl Glöck tom niee Joahr,
on dat de lewe Gott ju bewoahr
vär Krankheit, Not an Starwe
on sonstiger Verdarwe.

Ach, öm vergangene Joahr, dem knappe,
doa kunn wie manchet nich berappe;
drom micht öck wönsche, dat ju sullde
bezoahle alle june Schulde
on all dem ohle Kroam beribble,
dat ju nuscht wieder mehr deit kribble!

De lewe Gott bewoahr var Schoade
on loat de Kinderkes geroade;
he moak de Knechts on Mäkes willig
on dat Getreid nich goar so billig!
Tom Seege, Ernte gode Tied
on to de Oarbeit flietge Lied!
De lewe Gottke micht verhindre
to schwere Steier on se lindre!

Doch eent micht öck am meiste wönsche,
dat endlich doch e moal de Mönsche
sich wieder nich möt Striede ploage
on sich öm niee Joahr verdroage.
 

von Franz Nee